Derisa liderët perëndimorë kanë mirëpritur largimin e presidentit egjiptian, Hosni Mubarak, Kina dhe Rusia kanë shprehur shqetësime për vendin më të populluar arab.
Mediat kineze u kanë dhënë një mbulim minimal demonstratave popullore që çuan në rrëzimin e presidentit 82-vjeçar, duke thënë se ndryshimet politike në Egjipt do të ishin të pakuptimta nëse “vendi bie pre e kaosit”.
Presidenti rus, Dimitri Medvedev, i bëri thirrje Egjiptit të organizojë zgjedhje të drejta dhe të respektojë liritë fetare.
Ministria e Jashtme ruse tha se Kajro duhet të shmangë dhunën gjatë periudhës së tranzicionit.
