Uashington,Prania e Al Kaidës në Afganistan ka njohur rënie të ndjeshme, deklaroi Xhejms Xhons. Xhons, këshilltar për sigurinë kombëtare i presidentit Barak Obama, deklaroi për mediet amerikane se nuk ekziston rreziku që vendi të kthehet në duart e talibanëve. Deklaratat e Xhons erdhën ditën që u bë publik lajmi për vdekjen e tetë ushtarëve amerikanë gjatë luftimeve në Afganistanin lindor. Aktualisht presidenti Obama po vlerëson të gjitha opsionet për një strategji të re në Afganistan.