Shtetet e Bashkuara do të lejojnë që fëmijët jetimë nga Haiti përkohësisht të vendosen në Shtetet e Bashkuara. Ata do të marrin ndihmën mjekësore e psikologjike, të nevojshme pas tërmetit.
“Ndonëse ne mbetemi të vendosur për ribashkimin e familjeve në Haiti, lejimi i fëmijëve jetimë të vijnë në Shtetet e Bashkuara, që ligjërisht mund të birësohen, do t’i lejojë atyre të marrin kujdesin e nevojshëm”, tha Xhenet Napolitano, Sekretarja për çështjet e sigurisë.
