Njëmbëdhjetë ditë pas tërmetit të rëndë, qeveria e Haitit e ka quajtur të përfunduar fazën e kërkimit të të mbijetuarve në gërmadha, bënë të ditur Kombet e Bashkuara. Sipas të dhënave 132 vetë janë nxjerrë nga gërmadhat të gjallë. Një 84 vjeçare dhe një i ri 22 vjeçar u nxorrën së fundi të gjallë nga rrënojat. Ata gjenden në gjendje kritike. 111 mijë vetë humbën jetën, 609 mijë kanë mbetur pa strehë. Kujdesi për ta është në qendër të përpjekjeve të ndërmarra nga Kombet e Bashkuara. Pas problemeve të fillimit, u arrit që ditën e premte të shpërndahen dy milionë racione ushqimesh. Gjatë një aktiviteti kulturor bamirës të transmetuar nga televizionet në gjithë botën, yjet amerikanë të Hollivudit dhe muzikantë mblodhën ndihma për viktimat e tërmetit.
