Qeveria greke ka miratuar, si pjesë të mëtejshme të programit të saj të kursimit, shkurtimin në masë të gjithanshme të pensioneve. Pa reformat, pas vitit 2011 i gjithë sistemi i përkujdesjes do të falimentonte, deklaroi ministri i Punës Andreas Loverdos. Mosha e pensionit do të rritet sipas projektligjit. Në të ardhmen për një pension të plotë duhet të kesh punuar 40 vjet. Edhe pensionistët që dalin para kohe kërcënohen nga masat drastike. - Sindikatat, ndërkohë kanë njoftuar për zhvillimin e protestave të reja.