Qindra komunikime diplomatike të publikuara nga faqja elektronike WikiLeaks e përshkruajnë Afganistanin si një vend ku korrupsioni sundon në çdo nivel të qeverisë.
Komunikimet e nisura nga ambasada amerikane në Kabul e përshkruajnë shkallën e korrupsionit në qeverinë afgane si të tejskajshme me akuza që përfshijnë ryshfete, larje parash dhe përfitime nga tregtia e drogës.
Dokumentat e përshkruajnë presidentin Hamid Karzai si njeri të dobët dhe të paefektshëm. Një komunikim e përshkruan ministrin e Bujqësisë Asif Rahimi si të vetmin anëtarë të kabinetit afgan të pakorruptuar.
Faqja elektronike WikiLeaks ka publikuar mijëra dokumente sekrete këtë javë duke acaruar botën diplomatike.
Dje, kompania amerikane që i siguron shërbimin elektronik WikiLeaks e hoqi atë nga shërbimi pasi faqja ishte objektiv i mijëra sulmeve kibernetike dhe kërcënonin qëndrueshmërinë e shërbimit të internetit. Faqja WikiLeaks u rishfaq pas disa orësh duke e marrë shërbimin nga një kompani zvicerane.