Presidenti i Tunizisë, Zine al Abidine Ben Ali, ka larguar nga detyra ministrin e brendshëm pas protestave të dhunshme që kanë përfshirë vendin.
Presidenti ka urdhëruar lirimin e gjithë protestuesve që janë arrestuar gjatë trazirave.
Protestat e fundit në Tunizi u nxitën nga shkalla e lartë e papunësisë dhe rritja e çmimeve të ushqimeve bazë. Demonstratat, që më pas u kthyen në të dhunshme, filluan rreth një muaj më parë. Raportohet se 23 persona kanë vdekur.
