Këshilli Kushtetues i Tunizisë tha se detyrën e presidentit, pas largimit të Ben Aliut, duhet ta marrë kryetari i parlamentit dhe jo kryeministri.
Organi më i lartë juridik tha po ashtu se zgjedhjet e reja presidenciale duhet të mbahen në një afat prej 60 ditësh. Ende nuk ka ndonjë reagim të kryeministrit Muhamed Ghanouçi.
Shkak i protestave në Tunizi ka qenë papunësia e lartë dhe rritja e çmimeve të ushqimeve bazë. Ato rezultuan me vdekjen e së paku 70 personave si dhe me largimin e presidentit Ben Ali pas 23 vjetësh në pushtet.
