Afro 800 mijë ton mallra "Made in Albania" janë nisur me anije tregtare dhe tragete gjatë tetë muajve të parë të këtij viti nga porti detar i Durrësit drejt destinacioneve të huaja. Gjatë së njëjtës periudhë në portin më të madh të vendit kanë mbërritur me mjete të mëdha lundruese mbi 1.38 milionë ton mallra të tjerë. Shifrat e mallrave të eksportuara gjatë periudhës janar-gusht të këtij viti, sipas të dhënave zyrtare, janë afro dy herë më të larta se sa e njëjta periudhë e vitit të kaluar.
