Qeveria e Kosovës ka censuruar fotografitë nga takimet që kryenegociatori serb Borisllav Stefanoviq ka zhvilluar me zëvendëskryeministrin Hajredin Kuçi dhe shefen e delegacionit të Kosovës në bisedime me Serbinë, zëvendëskryeministren Edita Tahiri.
Me këtë, ekzekutivi i vendit i ka ikur mundësisë së reflektimit negativ që mund të kishte pasur në media vendosja e flamurit serb në takim. Megjithatë, Kuçi e Tahiri nuk e fshehin faktin që gjatë këtyre takimeve, është vendosur edhe flamuri serb.
