Presidenti i Republikës së Kosovës, Fatmir Sejdiu ka udhëtuar të shtunën për në Poloni, për të marrë pjesë në ceremoninë e varrimit të presidentit Leh Kaçinski, kanë njoftuar për Kosovapress zyrtarë të presidencës së Kosovës.
Këshilltari i presidentit Sejdiu, Xhavit Beqiri ka bërë të ditur se gjatë udhëtimit në Poloni, presidenti Sejdiu po shoqërohet nga këshilltarët e tij.
Presidenti i Polonisë, Leh Kaçinski ka humbur jetën në një aksident ajror në Rusi të shtunën e kaluar. Në këtë fatkeqësi ajrore kanë humbur jetën edhe 96 persona tjerë, në mesin e të cilëve ishte bashkëshortja e presidentit Kaçinski, shefi i ushtrisë polake, shefi i shërbimit informativ, guvernatori i shtetit dhe shumë zyrtarë të tjerë.
Ceremonia e varrimit të presidentit Kaçinski zhvillohet të dielën, ku pritet të marrin pjesë personalitete të larta të botës, përfshi edhe presidentin e SHBA-ve, Barak Obama.
