Me rastin e 28 Nëntorit, Ditës së Flamurit Kombëtar, Lëvizja Rinore për Bashkim organizoi aksionin me moton “Pa kufi– Kosova është Shqipëri”. Ky aksion u zhvillua në kufirin shqiptaro-shqiptar nga mbi njëqind të rinj e të reja, të cilët zbuluan tabelën me moton e aksionit “Pa kufi– Kosova është Shqipëri” dhe shpalosën një flamur gjigant kuq e zi. Qëllimi i këtij aksioni ishte shprehja e qëndrimit kundër vazhdimit të ekzistencës së pakuptim të kufirit midis shqiptarëve. Aksione të tilla kreative janë mirëpritur edhe nga qytetarët shqiptarë të të dy anëve të kufirit.