Gjykata Supreme e Suedisë e konfirmoi fletëarrestin për themeluesin e faqes WikiLeaks, Xhulian Asanzh, për ta hetuar lidhur me akuzat për dhunim. Gjykata sot e refuzoi apelin e tij, i cili i mohon akuzat.
Asanzh thotë se ato janë pjesë e fushatës kundër tij pasi WikiLeaks i publikoi dokumentat e fshehta për operacionet ushtarake në Irak dhe Afganistan, si dhe mesazhet diplomatike amerikane.
Interpoli e ka vënë Asanzhin në listën e personave të kërkuar.
Vend-ndodhja e australianit 39 vjeçar nuk dihet, por gazeta britanike “Independent” dhe avokati i tij thanë se policia britanike e di se ku është Asanzh.
Avokati i tij tha se shërbimet e sigurisë të “një numri vendesh” e dinë vend-ndodhjen e Asanzh.
