Partia Socialiste akuzon mazhorancën se po bllokon qëllimisht numërimin e votave në njësinë bashkiake numër 5.
Në një konferencë për shtyp deputeti i PS-së Erjon Braçe ka deklaruar se Partia Socialiste nuk do të lejojë numërimin e votave në tre njësitë e tjera nëse nuk “çlirohet” njësia bashkiake numër 5.
“Nuk do të lejojmë numërimin e votave në 3 njësitë e tjera nëse nuk çlirohet 5. Duam kthimin në normalitet të njësisë 5 dhe të shikojmë me ndershmëri çdo votë që numërohet” theksoi Braçe duke shtuar se kjo është një skemë kriminale për të manipuluar votat.
Më tej Braçe ka theksuar se të gjithë ata që do të pengojnë numërimin e votave do të marrim një përgjigje të plotë juridike për këtë akt të shëmtuar ndërsa akuzoi mazhorancës se po përdor kriminelë për të penguar numërimin e votave
“I bëj thirrje kriminelëve që të ndalin çdo provokim se ndryshe do të përballen me çdo qytetar që do të mbrojë votën” theksoi Braçe.
