Partia Socialiste (PS) ka njoftuar për një sërë protestash në disa qytete të vendit, në mbështetje të protestave para KQZ-së kundër numërimit të fletëve të kontestuara.
Në një deklaratë për shtyp selia rozë thekson se në orën 16:00 do të organizohen protesta në Berat, Durrës, Gjirokastër, Sarandë, Elbasan, Korçë dhe Fushë Krujë.
Ndërkohë Partia Socialiste ka protestuar dje kundër numërimit të fletëve të kontestuara jo vetëm jashtë ambjenteve të KQZ-së por edhe në disa qytete të vendit si Fier, Vlorë, Durrës, Kavajë, Lezhë ku mbështetës së saj kanë bllokuar rrugët dhe kanë djegur goma makinash.
