Kuvendi i Shqipërisë do të mblidhet të hënën në seancë të jashtëzakoshme që lidhet me situatën e emergjencës të krijuar në zonën e nën Shkodrës.
Kryetarja e Kuvendit Jozefina Topalli i ka derguar një letër, secilit prej deputetëve socialistë ku i kërkon pjesmëarrjen në seancë si detyrim sa kushtetues, aq dhe moral për situatën e krijuar nga përmbytjet.
Ndërkohë, kryetari i Partise Socialiste Edi Rama tha se të dielën forca politike që ai drejton do të paraqesë prova që vertetojnë sipas tij, fajësinë e qeverisë dhe KESH në përmbytjen e mijëra shtëpive.
Rama tha se PS nuk ka hequr dorë nga kërkesa për hapjen e kutive të 28 qershorit dhe bojkoti i Kuvendit, dhe shtoi se përmbytjet vetëm sa e shtynë në kohë agjendën e kësaj force politike.