Ministria e Arsimit ka gati një projektligj të ri për arsimin e detyruar dhe të mesëm, që do t’i përgjigjet reformave që po zbatohen. Risitë konsistojnë në kohëzgjatjen e arsimit fillor nga 5 në 6 vjet dhe sanksionon edhe strukturën ekzistuese të arsimit 9 vjeçar. Synimi i këtij dokumenti është që të gjithë fëmijët në vend të moshës 5- vjeçare të jenë pjesë e arsimit parashkollor. Cilësia në këtë sistem arsimor është kryefjala e projektligjit që do të jetë në bashkëveprim me reformën e mësuesisë. Ky dokument pritet të miratohet së shpejti dhe do të funksionojë në mbi 376 shkolla të mesme dhe mbi 1749 shkolla të arsimit bazë.