Kryeministri Sali Berisha vazhdoi sot me akuzat në adresë të opozitës lidhur me atë që ai e quan “pengesa të shkaktuara në procesin e liberalizimit të vizave”.
Në një fjalim të mbajtur pas përurimit të rrugës Lezhë-Vau Dejës, kreu i qeverisë Berisha tha se “liberalizimin e vizave e fituam me mund”.
“Ishte opozita e cila tentoi të dëmtojë liberalizimin e vizave . Për këtë arsye Edi Rama duhet tu kërkojë falje qytetarëve, pasi falja është forma më e mirë për të treguar pendesën”, ka thënë Berisha.
Ai deklaroi se qeveria shqiptare është e angazhuar të plotësojë kushtet e BE për lëvizjen e lirë duke kërkuar që liberalizimi i vizave të mos krijojë shqetësimin më të vogël për vendet e BE-së.