Ministria e Shëndetësisë konfirmon praninë e 20 personave të infektuar me gripin e derrit A/H1N1 në Shqipëri.
Lajmi është bërë i ditur nga drejtori i politikave në Ministrinë e Shëndetësisë Pëllumb Pipero.
Ai tha se personat e infektuar janë paraqitur për diagnostifikim ditët e fundit pas komplikacioneve që kanë pasur me shenjat e gripit.
Pipero ka vënë në dukje se katër të infektuar janë në maternitete. Sipas Ministrisë së Shëndetësisë, rastet e evidentuara janë vendosur në kushte të posaçme trajtimi mjekësor.