Policia e Kenisë bën të ditur se një sulmues i armatosur ka hyrë në shtëpinë e zëvendëspresidentit William Ruto dhe se po vazhdon një operacion i gjerë për të kapur sulmuesin.
Mediat lokale njoftojnë se është lënduar një pjesëtar i sigurisë të cilin sulmuesi e ka therur me thikë para se të hyjë në pronë, transmeton BBC.
Ruto dhe familja e tij nuk kanë qenë në shtëpi në kohën e sulmit që ka ndodhur dhjetë ditë para zgjedhjeve të përgjithshme në vend.
Zgjedhjet që janë caktuar më 8 gusht do të mbahen në një atmosferë të tensionuar politike. Ekspertët kanë frikë nga sulmet e ekstremistëve islamik të grupit Al Shabab.