Goditet përsëri kryeqyteti somalez – dy sulme me bomba

Afrika

Goditet përsëri kryeqyteti somalez – dy sulme me bomba

Më: 28 tetor 2017 Në ora: 17:53
Somali

Kryeqyteti i Somalisë është goditur nga dy shpërthime me distancë të shkurtër kohore, vetëm dy javë pas vdekjes së 350 njerëzve po nga një sulm tjetër me bombë.

Raportohet se shpërthimi i parë është shkaktuar nga një veturë-bombë që u fut në një hotel, ndërsa shpërthimi i dytë ndodhi më pas, afër ish-godinës së Parlamentit.

Kryetari i Mogadishus, Abdullahi Aden, ka thënë për agjencinë e lajmeve Reuters se pas shpërthimit, militantët kanë ndërmarrë edhe sulme të tjera në hotel.

Sipas Aden, vetura është vozitur drejt e në dyert e hotelit Nasa Hablod dhe më pas ka shpërthyer.

“Është një hotel i frekuentuar nga avokatët, forcat ushtarake dhe civilët”, ka treguar kryetari.

Ndërsa shpërthimi i dytë ndodhi vetëm gjysmë ore më vonë.

Ende askush nuk e ka marrë përgjegjësinë për sulmet, por policia thotë se pas tyre qëndron grupi islamist al-Shabab.

Sot mund të lexoni Shfletoni kopertinat