Tetë migrantë kanë humbur jetën nga fundosja e anijes afër Libisë - Bota Sot
Tetë migrantë kanë humbur jetën nga fundosja e anijes afër Libisë

Afrika

E diel, 18 shkurt 2018

Tetë migrantë kanë humbur jetën nga fundosja e anijes afër Libisë

Më: 7 janar 2018 Në ora: 13:05
Pamje e migrantëve në një anije afër bregdetit të Libisë në tetor të vitit të kaluar

Së paku tetë migrantë kanë humbur jetën dhe dhjetëra të tjerë janë shpëtuar, pasi anija e tyre është fundosur në Detin Mesdhe, afër bregdetit të Libisë.

Roja bregdetare italiane tha se e ka vërejtur anijen e tejngarkuar me migrantë dje herët në mëngjes dhe se Marina e Italisë ia doli t’i shpëtojë 84 vetë.

Grupi shpëtimtar humanitar, Sea Watch, në rrjetin Twitter ka shkruar se “numri i saktë është ende i paqartë” i personave që e kanë humbur jetën. Ky grup tha se janë vrarë “së paku” 25 njerëz.

Në vitin 2017, afro 3,116 migrantë kanë humbur jetën ose janë zhdukur, gjatë përpjekjeve për ta kaluar Detin Mesdhe, ka thënë Organizata Ndërkombëtare për Migrim (IOM).

Mijëra migrantë të tjerë ia dolën të arrijnë në Greqi ose Itali.

Sot mund të lexoni Shfletoni kopertinat
Sondazh
    test