Edhe një viktimë shqiptare në sulmin e mbrëmshëm në Munih të Gjermanisë. Në një njoftim të botuar në profilin e tij në Facebook, Baton Zabërgja ka njoftuar që ka vdekur djali i xhaxhait të tij Dijamant Zabërxha.
“Me pikëllim të thellë njoftoj familjarët, shokët, farefisin se djali i axhës tim Dijamant Zabërxha 21 Vjeçar u vra dje nëMinhen nga dora terroriste! O Zot na ndihmo”, ka shkruar në profilin e tij Baton Zabërgja.
Lajmi në fjalë nuk ka mundur të konfirmohet ende as nga përfaqësuesit diplomatik të Kosovës dhe as nga policia e Munihut të Gjermanisë.
Deri më tashti jozyrtarisht flitet për dy viktima shqiptare: Sabina Sulaj, Armela Segashi dhe tashti edhe Dijamant Zabërgja. Emrat e tre viktimave ende janë të pakonfirmuar nga organet policore gjermane dhe përfaqësuesit e Kosovës në Munih të Gjermanisë.
