(E plotësuar) - ?Me lot në sy e pikëllim në fytyrat e familjarëve dhe miqve, iu dha lamtumira e fundit 14 vjeçares Armela Segashi, e cila është vrarë të premten që shkoi në një sulm terrorist në Munih të Gjermanisë.
Në këtë sulm është vrarë edhe Dijamant Zabërgja, 21 vjeçari i cili sot është varrosur në vendlindjen e tij në fshatin Ropicë të Vushtrrisë.
Në Podujevë në varrimin e Armelës ishte edhe familja Zabërgja për t’i qëndruar afër familjes Segashi.
Njëjtë edhe familja Segashi ka marrë pjesë në varrimin e Dijamantit që është bërë në orën 14:00.
Përveç qytetarëve të shumtë në varrim ishin edhe zyrtarë të institucioneve të Kosovës, deputetë dhe figura tjera politike.
***
Familjarë, miq e qytetarë të shumtë janë mbledhur për t’i dhënë lamtumirën e fundit njërës nga viktimat e sulmit në Mynih, Armela Segashi nga Podujeva.
Trupi i pajetë i Armelës është nisur nga shtëpia e saj në Podujevë për në varrezat e qytetit, ku edhe do të mbahet varrimi nga ora 17:00.
Po ashtu, sot është varrosur edhe Dijamant Zabërgja, të cili iu dha lamtumira e fundit në fshatin Ropicë të Vushtrrisë.
