Zëvendësdrejtori i Drejtorisë Kundër Terrorizmit i Policisë së Kosovës, Luan Keka ka thënë se pas sulmit në objektin e Kuvendit të Kosovës, policia menjëherë ka filluar hetimet, ku janë gjetur dëshmi relevante të cilat kanë ndihmuar në hetime.
Ai ka folur edhe për komunikatën e cila u është dërguar mediave në emër të Rugovasëve, ku ata merrnin përgjegjësinë për sulmin në Kuvend.
“Kanë filluar hetimin në dy pika, në identifikimin e kryerësve të sulmit, dhe në identifikimin e atyre që kanë pranuar përgjegjësin për sulmin. Provat na kanë dërguar tek i njëjti grup, përkatësisht tek 6 të arrestuarit”, ka deklaruar Keka
Keka ka thënë se poashtu blerja e motorit me të cilin ka ikur grupi ka bërë që kuptohet se kush është ky grup.
‘Drejtoria Kundër Terrorizmit ka filluar hetimin në dy pista rreth këtij rasti. Të gjitha pistat, na kanë dërguar tek grupi i arrestuar. Po ashtu kemi arritur të identifikojmë mjetin, me të cilin autorët e krimit kanë kryer aktin dhe motorin që kanë përdor ata. Kemi arritur të sigurojmë edhe sa persona kanë qenë të involvuar në blerjen e motorit, të cilët janë të njohur dhe momentalisht gjinden në ndalim policor. Kemi pasur bashkëpunim me Prokurorinë dhe me operatorë te telefonive për të arritur deri te rezultati prej nga është përdor emaili qe kanë marrë përgjegjësinë e sulmit”, tha Keka.
“Sa i përket fakti që ata që kanë marrë përgjegjësinë për kryerjen e sulmit, bashkëpunimi me kompani vendore e ndërkombëtare na ka ndihmuar të kemi gjejmë se nga kush është dërguar e-maili dhe me çfarë pajisje. Këto prova e ndërlidhin këtë grup që sot janë arrestuar”, ka shtuar ai.
Keka ka thënë Policia ka filluar hetimin pa i paragjykuar se me cilën parti ka lidhje sulmi, po me qëllim të zbulimit të kryerësve të veprës penale.
Ai ka mohuar se Policia është duke ushtruar dhunë kundër të arrestuarve, ashtu siç pretendon Vetëvendosje. Qëndrimet e vetëvendosjes nuk janë të sakta ka thënë ai.
“Se ku janë fshehur të dyshuarit është herët të zbulohet”, ka përfunduar Keka.
