Në mesin e shumë prindërve që sot i dërguan fëmijët e tyre në ditën e parë të fillimit të vitit të ri shkollor ishte edhe Kryetari i Kuvendit të Kosovës Kadri Veseli.
Veseli vajzën e tij Rita e dërgoi në ciklin parashkollor, ndërsa djalin Yllorin në klasën e parë.
Më herët, përmes një postimi në facebook kryetari i Kuvendit uroi nxënësit dhe mësuesit kosovarë për fillimin e vitit të ri shkollor, duke theksuar se “Sot është dita më e lumtur për mijëra nxënës që për herë të parë do të shkojnë në shkollë".
"Uroj të gjithë fatosët, nxënësit dhe prindërit në ditën e parë të vitit të ri shkollor në Kosovë. Paçi shëndet dhe shumë suksese! Ju jeni e tashmja dhe e ardhmja e Republikës së Kosovës!”, kishte shkruar kryekuvendari në facebook.