Presidenti Hashim Thaçi do të jetë prezent në tribunat e stadiumit në Turku të Finlandës ku sonte përfaqësuesja e Kosovës zhvillon ndeshjen me Finlandën e vlefshme për eliminatoret e Botërorit Rusi 2018.
“Rrugës për në qytetin Turku të Finlandës, në përkrahje të përfaqësueses sonë në debutimin historik në kualifikimet për në Botërorin 2018. I bindur në ngadhënjimin e djemve tanë”, ka shkruar Thaçi në rrjetin social Facebook.