Përfaqësues të partive politike janë mbledhur nè një tryezë me iniciativën e Naim Rashitit nga Grupi Ballkanik për Politika, për të diskutuar rreth krizës politike e cila është shkaktuar si pasojë e kundërshtimeve të projektligjit për demarkacionin me Malin e Zi.
Në këtë takim i cili është duke u zhvilluar në këto momente, nuk kanë shkuar liderët e partive politike, por përfaqësuesit e tyre.
Nga LDK-ja në takim po marrin pjesë Arban Abrashi e Faton Avdullahu. Nga PDK-ja janë Xhavit Haliti dhe Ilmi Reçica.
Nga Lëvizja Vetëvendosje është Aida Dërguti, nga AAK-ja Muharrem Nitaj e Ardian Gjini, si dhe nga Nisma për Kosovën Bilall Sherifi e Jakup Krasniqi.
Në këtë takim janë edhe përfaqësues të të gjitha ambasadave të huaja në Kosovë.
Takimi është duke i zhvilluar në njërën nga hotelet në Prishtinë.