Familjarët thonë se nuk kanë shumë njohuri rreth problemeve që mund t’i ketë pasur Mujedini mirëpo sipas dëshmitarit ai nuk është vetëvrarë.
Mujedin Spahiu është polici i cili u gjet i vdekur mbrëmjen e së martës në Vitomiricë të Pejës.
“Vdekjen e viktimës në vendin e ngjarjes e ka konstatuar mjeku kujdestar. Lidhur me rastin janë njoftuar njësitet përkatëse të cilat kanë ndërmarrë të gjitha masat policore në vendin e ngjarjes, është njoftuar prokurori i shtetit, Njësiti Rajonal i Hetimeve për të ndërmarrë të gjitha veprimet e nevojshme operativo-hetimore për zbardhjen e të gjitha rrethanave të këtij rasti. Rasti është klasifikuar si ‘Hetim i vdekjes’”, thuhet në njoftimin e Policisë së Pejës.
Mirëpo nga burime jo-zyrtare, mësohet se i ndjeri ka lënë prapa një shënim ku thotë se nuk ka mundur t’ju bëjë ballë presioneve nga grupe të ndryshme kriminale.
Të kontaktuar nga gazeta “Bota Sot” policia e Kosovës dhe Prokuroria nuk janë prononcuar për këtë rast.
Ky rast i klasifikuar si “Hetim i vdekjes” ndoshta do të mund të zbardhet përmes katër letrave që i ka lënë polici Spahiu.
Letrat i kanë marrë organet e policisë, ndërsa sipas familjarëve një letër është shkruar për vëllaun e të ndjerit dhe një tjetër për policinë.
Polici Mujedin Spahiu, fillimisht është dalë i veshur me uniformë policore dhe ka shkuar deri tek shtylla elektrike, pastaj është kthyer përsëri në veturë sepse nuk ia ka marrë mendja të bëjë vetëvrasje. Këto ishin fjalët e dëshmitarit që kishte qëlluar në vendin ku ka gjetur vdekjen polici Mujedin Spahiu.
Mujedin Spahiu, 46 vjeçar i cili ka shërbyer si polic është gjetur i vrarë në arat e fshatit Vitomericë të Pejës.
Familjarët thonë se nuk kanë shumë njohuri rreth problemeve që mund t’i ketë pasur Mujedini mirëpo sipas dëshmitarit ai nuk është vetëvrarë.
“Mendimi jem dhe mendimi i nji shokut tem dëshmitar osht që ai nuk osht vetëvra vetën” tregon djali i axhës Mujdinit.
Ai tregon çfarë ka bërë polici Spahiu para se të vetëvritej dhe gjithashtu pohon se nuk mund të jetë vetëvrasje.
Zyra e Policisë së Kosovës për Rajonin e Pejës kishte njoftuar për rastin përmes një komunikate. Ata kanë thënë se po punohet për zbardhjen e të gjithave rrethanave të këtij rasti.
Trupi i Mujedin Spahiut, me aktvendim të prokurorit është dërguar fillimisht për autopsi në Institutin e Mjekësisë Ligjore në Prishtinë, ndërsa varrosja e tij është bërë të enjten.
Ai ka lënë pas gruan dhe 4 fëmijë.