Apostolova: Opozita duhet të përfshihet në vendimarrje

Aktuale

Apostolova: Opozita duhet të përfshihet në vendimarrje

Më: 22 shtator 2016 Në ora: 22:51
Pamje nga takimi

Zëvendëskryeministri i parë i Kosovës, Hajredin Kuçi, priti në takim njoftues shefen e Zyrës së BE-së dhe njëkohësisht përfaqësuesja Speciale e Bashkimit Evropian në Kosovë, Nataliya Apostolova, me rastin e marrjes së mandatit te saj.

Gjatë takimit, Apostolova theksoi nevojën për një komunikim të mirë me popullin e Kosovës, si dhe me opozitën e cila sipas saj duhet të përfshihet në proceset vendimmarrëse.

 Sipas njoftimit për media, ajo përsëriti se Kosova ka të ardhme të qartë evropiane dhe se do të vazhdojë të marrë mbështetje politike, financiare dhe të ekspertizës nga BE-ja.

 Kuçi nga ana e tij fillimisht njoftoi Apostolovën për zhvillimet e fundit në Kosovë, për përkushtimin e Qeverisë së Kosovës në forcimin e sundimit të ligjit, përmbushjen e të gjitha obligimeve në kuadër të Marrëveshjes së Stabilizim Asocimit, si dhe konkludimin  e procesit për liberalizimit të vizave.

 Kuçi në veçanti theksoi se për Qeverinë e Kosovës procesi i integrimit evropian vazhdon të mbetet prioritet esencial dhe  shtylla e zhvillimit të reformave në vend. 

 “Qeveria e Kosovës edhe më tutje do të angazhohet në përmbushjen e obligimeve që dalin nga Marrëveshja e Stabilizim Asoccim në koordinim të ngushtë më zyrën e BE-së dhe akterët tjerë relevantë”, theksoi zëvendëskryeministri Kuçi.

 Shefja e Zyrës së BE-së në Kosovë / Përfaqësuesi Special i BE-së, znj. Nataliya Apostolova, falënderoi Zëvendëskryeministrin Kuçi për prioritizimin e agjendës evropiane. Ajo theksoi rëndësinë e një koordinimi të theksuar në zbatimin e Marrëveshjes së Stabilizim Asociimit (MSA), duke pasur parasysh se MSA-ja është një marrëveshje gjithëpërfshirëse që kërkon kapacitete të shumta për zbatim.

Në këtë kontekst, Apostolova iu referua Platrofmës së Agjendës Evropiane të Reformave si një nismë aktualisht duke u zhvilluar, për të sjellë MSA-në më afër popullit duke u fokusuar në rezultatet e prekshme, afat-shkurtëra. 

 Të pranishmit diskutuan për prioritetet e përbashkëta të institucioneve të Kosovës dhe Bashkimit Evropian, për një bashkëpunim të ngushtë edhe më tutje në forcimin e  sundimit të  ligjit, koordinimin institucional në zbatimin e obligimeve nga MSA-ja, si dhe rritjen e transparencës ndaj qytetarëve në proceset integruese Evropiane.

Sot mund të lexoni Shfletoni kopertinat