Sot, Presidenti i Kosovës, Hashim Thaçi, i ka pranuar letrat kredenciale nga ambasadori i Zvicrës, Jean-Hubert Lebet.
Gjatë, pranimit të letrave kredenciale, Thaçi i ka uruar mirëseardhje ambasadorit Lebet, dhe i ka ofruar mbështetje të plotë në mandatin e tij në Kosovë.
Gjithashtu, Thaçi ka thënë se Kosova dhe Zvicra do të vazhdojnë bashkëpunimin e shkëlqyer ndërshtetëror dhe ndërmjet dy popujve.
Kurse, gjatë dorëzimit të letrave kredenciale ambasadori i ri i Zvicrës, Jean-Hubert Lebet, ka theksuar se do të ruhet përkushtimi i Zvicrës për Kosovën, edhe pse ka pasur reduktime në përkushtimet tjera.
“Do të përkrahim zhvillimin dhe dialogun”, ka thënë ambasadori Lebet.
Në fund, Thaçi e ka falënderuar ambasadorin Lebet për përkrahjen e vazhdueshme të shtetit të Zvicrës për popullin e Kosovës./BS