Presidenti i Kosovës, Hashim Thaçi ka dorëzuar dekoratën “Hero i Kosovës” familjes së Emrush Et’hem Haziri, për sakrificën e dhënë për lirinë dhe pavarësinë e Kosovës.
Thaçi ka thënë se si aktivist i çështjes kombëtare, baca Emrush na bashkonte gjithnjë dhe do ta kujtojmë përgjithmonë me respekt dhe nderim.
“Sot, familjes Haziri i dorëzova dekoratën “Hero i Kosovës” për veprat e sakrificës dhe trimërisë së babait të tyre, Emrush Et’hem Haziri, për lirinë dhe pavarësinë e Kosovës.
Si aktivist i çështjes kombëtare, baca Emrush na bashkonte gjithnjë, duke na kujtuar se pa marrë parasysh dallimet në mendime për veprimin politik, qëllimin të gjithë e kishim të njëjtë.
Do ta kujtojmë përgjithmonë me respekt dhe nderim!”, ka shkruar Thaçi në Facebook.
Ndryshe, Emrush Et’hem Haziri ishte babi i kryetarit të Komunës së Gjilanit Lutfi Haziri./BS
