Presidenti i Kosovës, Hashim Thaçi ka qëndruar sot në Drenas. Atje ka shkuar për ta nderuar një veprimtar të Lidhjes Demokratike të Kosovës me “Urdhrin e Pavarësisë”.
Bëhet fjalë për Mehdi Bardhin, i cili si para ashtu edhe pas luftës ka kontribuar në proceset e shtet-ndërtimit.
Bardhi i ka qëndruar besnik LDK-së edhe në kohën kur Drenasi është shndërruar në bastion të PDK-së.
Ndonëse Presidenca e Kosovës nuk e ka bërë publike vizitën e Thaçit në Drenas, pikërisht në ditën kur ka dhënë dorëheqje kryetari i kësaj komune, Nexhat Demaku, Tribuna, mëson se i pari i shtetit ka zhvilluar një bisedë të gjatë me Bardhin, me ç’rast e ka falënderuar për kontributin e tij për pavarësi.
