(E plotësuar) - Hilmi Kelmedni i arrestuar ditë më parë nga Serbia si i dyshuar për kryerjen e krimeve të luftës, është liruar sot.
Lirimin e tij e ka konfirmuar, Bashmir Xhemaj këshilltar i ministrit të Jashtëm, Enver Hoxhaj.
Ai ka thënë se Kelmendi tash është duke i kryer disa procedura dhe gjatë mbrëmjes pritet të mbërrijë në Kosovë.
Të martën është liruar edhe Nehat Thaçi i cili kishte qëndruar në paraburgim një muaj, po ashtu i arrestuar nga Serbia nën dyshimin për krime lufte.
Lajmi i fundit: Gjykata serbe liron Hilmi Kelmendin
Hilmi Kelmendi ka dalë sot në ora 12 para Gjykatës për Krime Lufte në Beograd, e cila e ka liruar atë.
Kelmendi, është arrestuar të premten e kaluar në Beograd për krime lufte në Kosovë./BS/