Hashim Thaçi duket se ka harruar rolin unifikues prej Presidenti të cilin e ka të përcaktuar në Kushtetutën e Republikës së Kosovës. Zgjedhjet e parakohshme në Komunën e Drenasit, duket se e kanë “joshur”, atë për të qenë pjesë e tubimeve të ndryshme me qytetarë. Madje, ai i është kthyer avazit të dikurshëm dhe po merr pjesë nëpër darka të ndryshme me mësimdhënës në komuna si Drenasi e Kaçaniku.
Sipas një njoftimi të Shkollës “Feriz Guri dhe Vëllezërit Çaka” në Kaçanik, një kopje të të cilës e kanë siguruar mediet, të gjithë mësimdhënësit e kësaj shkolle, ditë më parë u obliguan të jenë të pranishëm në takimin me presidentin Hashim Thaçi dhe me ministrin Arsim Bajrami. Po ashtu, së fundi Presidenti Thaçi i shoqëruar nga Ministri i Arsimit Shkencës dhe Teknologjisë Arsim Bajrami, kanë organizuar një darkë me mësimdhënësit e Komunës së Drenasit. Zyrtarë të Ministrisë së Arsimit nuk janë përgjigjur në pyetjen e gazetës nëse organizimi i këtyre tubimeve përbën “politizim”, të shkollave po konflikt interesi.
(Tekstin e plotë mund ta lexoni të Martë në publikimin e shtypur të gazetës kombëtare “Bota sot”)
