Nënkryetari i Lidhjes Demokratike të Kosovës, njëkohësisht kryetar i Gjilanit, Lutfi Haziri, ka folur për strukturat brenda LDK’së dhe për mundësinë e kandidimit të tij për kryetar të kësaj partie.
Haziri ka thënë se ai ka qenë në LDK që prej ditëve të para të saj, se partia e ka ngritur atë dhe se ai ka punuar shumë për LDK’në.
Kryetari i Gjilanit ka shtuar se nuk ka ndonjë interesim për të kandiduar për kreun e LDK’së, dhe se kjo parti veçse e ka udhëheqësin e saj, me të cilin do të shkojë në zgjedhjet e ardhshme.
Përkundër disa bashkëpartiakëve të tij, të cilët kanë dalë kundër kreut të LDK’së, njëherësh kryeministër i vendit, Isa Mustafa, Haziri në “Komiteti Qendror” ka treguar se ai përkrah Mustafën dhe e sheh udhëheqës të duhur të LDK’së.
