Zëvendëskryeministri i Republikës së Kosovës, Ramiz Kelmendi, priti në takim kryetarin e komunitetit boshnjak nga partia “Vakat”, Rasim Demiri, njëherit ministër pa Portofol.
Gjatë takimit, zëvendëskryeministri Kelmendi theksoi përkushtimin e Qeverisë për komunitetin boshnjak në zhvillimin dhe fuqizimin ekonomik.
Zëvendëskryeministri Kelmendi tha se nga pozita ku është do të angazhohet për avancimin e proceseve në favor të mirëqenies së të gjithë qytetarëve të Kosovës.
“Komuniteti boshnjak do ta ketë mbështetjen time, që ata të mos e ndiejnë vetën të diferencuar. Qëllimi im është zhvillimi ekonomik, në këtë rast edhe sektori i bujqësisë në mënyrë që prodhimtaria bujqësore të ngritë kapacitetet përgjatë vitit”, theksoi zëvendëskryeministri Kelmendi.
Në takim gjithashtu u diskutua edhe për mundësinë e hapjes së një tuneli në Reçan.
