Krasniqi: Në balotazh do t’i marrim votat e Drenorit

Aktuale

Krasniqi: Në balotazh do t’i marrim votat e Drenorit

Më: 4 dhjetor 2016 Në ora: 22:18
Nënkryetari i PDK-së, Memli Krasniqi

Nënkryetari i PDK-së, Memli Krasniqi ka thënë se Ramiz Lladrovci do të marrë votat e kandidatit të pavarur Xhavit Drenorit, në balotazhin në Drenas.

Krasniqi ka kalkuluar se nga 12 për qind e votave sa ka marr Drenori, nëse shkohet në balotazh, 90 për qind të këtyre votave do t’i marr kandidati i PDK-së, Ramiz Lladrovci.

“Nuk mund të them 100 për qind e votave të Drenorit do të kthehen por 90 për qind e tyre do të kthehen. Nëse do të ndodhë balotazhi do të ketë rimobilizimin dhe rikonfirmim të fuqishëm të fitores mbi 65 për qind sepse do të ketë arsye shtesë që të merremi me këtë çështje”, tha Krasniqi në transmetuesin publik.

Nënkryetari i PDK-së, Krasniqi tha se Lladrovci ka marrë më shumë vota se tre kandidatë por ato “mund të mos e kalojnë 50 për qindëshin. Trendi është i tillë”, tha Krasniqi.

Sot mund të lexoni Shfletoni kopertinat