(E plotësuar) - Instituti i Kosovës për Drejtësi së bashku me organizatat Grupi për Studime Juridike dhe Politike, Instituti GAP dhe Instituti Demokratik i Kosovës, në mbështetje të Ambasadës Amerikane organizojnë një performancë para Pallatit të Drejtësisë për “Dështimet në Luftimin e Korrupsionit”.
Betim Musliu nga IKD, beri të ditur se qëllimi i kësaj përformance është shpalosja e disa prej gjetjeve kryesore për dështimet në luftën kundër korrupsionit në Kosovë.
Sipas Musliut, disa prej gjetjeve kryesore janë që sistemi gjyqësor në Kosovë vazhdon të ballafaqohet me lëndë të shumta të korrupsionit, të cilat nuk trajtohen si duhet me prioritet.
Musliu tha se ka lëndë të korrupsionit që janë ende në prokurori dhe janë të vitit 2002.
“Pra ka qytetarët që prej vitit 2002 kanë denoncuar korrupsionin dhe këto raste nuk janë trajtuar asnjëherë nga prokuroria”, u shpreh Musliu.
Ky organizim zhvillohet në kuadër të ’Javës kundër korrupsionit’.
Performanca “Dështimet në luftimin e korrupsionit”
Instituti i Kosovës për Drejtësi së bashku me organizatat Grupi për Studime Juridike dhe Politike, Instituti GAP dhe Instituti Demokratik i Kosovës, në mbështetje të Ambasadës Amerikane po organizojnë një performancë para Pallatit të Drejtësisë për “Dështimet në luftimin e korrupsionit”.
