Limaj: Po diskutojmë edhe me Drenorin për koalicion në Drenas

Aktuale

Limaj: Po diskutojmë edhe me Drenorin për koalicion në Drenas

Më: 7 dhjetor 2016 Në ora: 20:58
Fatmir Limaj

Në Drenas u votua për ndryshim, qytetarët mbështetën votën për ndryshim, kështu tha deputeti dhe kryetari i NISMA për Kosovën, Fatmir Limaj në një intervistë për “Rubikon”, ku foli edhe për nënshkrimin e marrëveshjes me AKR-në në Drenas.

"Ne së bashku me AKR-në nuk bëmë asgjë tjetër veçse respektuam vullnetin e votuesve tonë. Sot e nënshkruam marrëveshjen për të vazhduar ndryshimin. Konkretisht marrëveshja mban pjesë programe të AKR-së dhe subjektit tonë. Kemi bërë fushatë në emër të ndryshimit. Këto grupe dhe kandidatë pak dallojnë pasi kanë bërë fushatë në emër të ndryshimit”, ka thënë ai.

Tutje Limaj ka thënë se janë në bisedime edhe me subjekte tjera, në mënyrë që ta jetësojnë dëshirën për ndryshim në Drenas, e cila sipas Limajt ju ka munguar tash e sa kohë qytetarëve.

“Jemi duke biseduar edhe me kandidatin e partisë Fjala. Ne jemi shumë të gatshëm që së bashku ta pranojmë kërkesën e Drenorit, pastaj ju mbetet dy kandidatëve të implementojnë kërkesat e tyre”, ka thënë Limaj.

E me LDK-në, Limaj ka thënë se kanë biseduar porse nuk kanë asgjë konkrete.

Sot mund të lexoni Shfletoni kopertinat