Ministria e Mjedisit dhe Planifikimit Hapësinor të Kosovës ka marrë vendim sot për të ndaluar kryerjen e punimeve të murit që është duke u ndërtuar në afërsi të urës së Ibrit në veri të Mitrovicës.
Në mur sot është vendosur njoftimi nga MMPH që ndalon punën e ndërtimit.
Lartësia rreth dy metra e murit, që është ngritur në ditët e fundit në pjesën veriore të Mitrovicës ka provokuar reagime nga zyrtarët në Prishtinë.
Ky mur sipas institucioneve të Kosovës është jashtë marrëveshjes për rivitalizim të urës dhe është i jashtëligjshëm.
Por ajo çka bie në sy në këtë dokument të Inspektoratit të Punës është kompania e cila është duke kryer punimet, e cila është nga Malisheva “7 Vëllezërit”.