Presidenti i Kosovës, Hashim Thaçi po vazhdon vizitën e tij në ShBA, ku është takuar me presidentin e Atlantic Council, Frederick Kempe.
“Pata kënaqësinë të takoj presidentin e Atlantic Council, Frederick Kempe. Kosova aspiron me të drejtë të jetë pjesë e familjes euroatlantike.
Kjo aspiratë bashkon qytetarët e Kosovës, përtej vijave etnike dhe partiake. Atlantic Council është platformë e mrekullueshme për të promovuar këtë agjendë”, ka shkruar Thaçi në Faceboook.
Pjesë e këtij takimi ishte edhe ambasadorja në ShBA, Vlora Çitaku dhe Ministri i Integrimeve Evropiane në Qeverinë e Kosovës, Bekim Çollaku. /BS