Pas dështimit të votimit të dy rezolutave në Kuvend që kishin të bënin me lirimin e kryetarit të AAK-së Ramush Haradinaj, ka reaguar edhe ish luftëtari i UÇK-së Bajram Arifi- Komandant Bala, i cili ka shprehur mllefin e tij për veprimin e deputetëve.
Mirëpo ai ka potencuar se, ndonëse deputetët nuk i votuan këto rezoluta, është populli ai që përkrah Ramush Haradinajn.
“Këta janë patriotet që i thonë vetes e nuk e miratuan rezolutën e përbashkët për kërkimin e lirimit të Ramush Hajredinajt. Por, shumica e deputetëve tërë kohen thyenin arra në mes veti duke u munduar të përfitojnë poenë partiak. Turpi nuk paska kufi,j Komandant i tërë populli është me ju, e jo me këta filozofët e patriotët. Edhe pse dje deputetët në parlamentin e Kosovës nuk e miratuan rezulutën për kërkimin e lirimit të Ramush Hajredinaj. Por, sot Me 11/01.2017 Veteranët e Invalidët e luftës e qytetarët e Gjilanit, Mitrovices, Pejes, Gjakovës e Ferizajt protestuam, i madh e i vogël duke i treguar Deputetëve tanë, e Francës, Serbisë e tjerëve që Ramushi është vet Kosova. Ramushi dha shumë për Kosovën në kohët më të vështira. Edhe ne qytetarët e tërë Kosovës do të jemi gjer në fund me Ramushin! Me Ramushin! Me respekt nga Bajram Arifi Komandant Bala. Invalid lufte”, ka shkruar Arifi në një mesazh publik./BS/
