Shefi i grupit parlamentar të AAK'së, Pal Lekaj ka njoftuar ipeshkvin e Kosovës Imzot Dodë Gjergji për arrestimin e Ramush Haradinajt dhe gjendjen e tij në Francë.
"Sot, më 18 janar 2017, pata një Audiencë private me Ipeshkvin e Kosovës, Sh.T. Imzot Dodë Gjergji, të cilin e njoftova për gjendjen e liderit tonë të AAK dhe ish kryeministrit të Kosovës z. Ramush Haradinaj. Ipeshkvi shprehi indinjatën e tij për gjendjen aktuale të Ramush Haradinaj duke konsideruar se është e padrejtë që, pas verdikteve të drejtësisë ndërkombatare , të nënshtrohet prapë proceseve të drejtësisë", ka shkruar deputeti Lekaj në Facebook.
