Serbia insiston në vendosjen e “linjës së nxehtë” me Kosovën

Aktuale

Serbia insiston në vendosjen e “linjës së nxehtë” me Kosovën

Më: 24 janar 2017 Në ora: 09:35
Foto arkiv, bisedimet Kosovë- Serbi

Këshilltarja e presidentit të Serbisë, Stanislava Pak, pret intensifikimin e dialogut ndërmjet Prishtinës dhe Beogradit.

Ajo tha se pret vendosjen kontakte të drejtpërdrejta, në mënyrë që të zgjidhen çështjet operative.

Pak theksoi se Presidenti Tomislav Nikolic, i cili së bashku me Kryeministrin Vucic do të marrë pjesë në bisedimet e sotme në Bruksel, tregoi se Serbia është e përkushtuar absolutisht për paqe, dialog dhe biseda.

"Nuk ka nevojë për retorikë ndezëse. Serbia nuk dëshiron konflikte dhe tensione në rajon, siç ka thënë edhe Presidenti Nikolic", ka thënë Pak.

Ajo gjithashtu theksoi se pritet që problemet operative të parandalohen me komunikim të drejtpërdrejtë, nëse është e nevojshme me krijimin e një linje të "nxehtë" telefonike.

Me rastin e vlerësimit të diplomatëve evropianë se ardhja e delegacionit të Beogradit dhe Prishtinës në nivel të lartë është një shenjë e mirë, Pak tha se kjo tregon shenjën e përgjegjësisë së madhe për të marrë përgjegjësitë në nivelin më të lartë, dhe se çdo gjë që është rënë dakord nga Beogradi do të zbatohet.

"Ne duam zbatimin e marrëveshjeve edhe nga Prishtina", ka thënë Pak, duke vënë në dukje se “deri më tani marrëveshjet vlenin vetëm për Beogradin, por jo edhe për në Prishtinën dhe pritet që në ditët e ardhshme ata do të implementojnë atë që është dakorduar”

Sot mund të lexoni Shfletoni kopertinat