Presidenti i Kosovës, Hashim Thaçi, ka deklaruar në Zona e Debatit – ku është i ftuar bashkë me kryeministrin e Shqipërisë, Edi Rama – se takimi i fundit në Bruksel, me një shkurt, ka qenë me shumë vështirësi dhe aspak i lehtë.
“Nuk ka qenë një takim i këndshëm dhe i lehtë, por me shumë vështirësi dhe i rëndë”, ka pohuar Thaçi.
“Por, situata nuk është aq e ekzagjerueshme. Kosova është në paqe, dialogu po zhvillohet për normalizim marrëdhëniesh Kosovë-Serbi, fqinjësi të mirë dhe pajtim mes dy shteteve tona”.
“Vështirësi ka, ka edhe mosmarrëveshje, por synimi ynë ka qenë ulja e tensioneve dhe tejkalimi i vështirësive. Unë besoj në paqe dhe stabilitet, për çka edhe po dialogojmë e bisedojmë”.