(E plotësuar) - Deputetja e Lëvizjes Vetëvendosje, Aida Dërguti, e ndaluar nga policia sot në mëngjes, e enjte, është liruar vetëm pak orë më vonë.
Dërguti dyshohet se ka kryer veprën penale “mbajtje në pronësi, kontroll ose posedim të paautorizuar të armëve nga neni 374 paragrafi 1 të KPRK-së”.
Ndalimi i nënkryetares së Parlamentit të Kosovës është realizuar nga forcat e rendit bazuar në mandatin ligjor që ka nga rrjedh edhe obligimi për zbatimin e urdhërarresteve të ligjshme të lëshuara nga organet e drejtësisë.
Gjithsesi Dërguti është liruar pak orë më vonë.
Lajmin për lirimin e Dërgutit e ka konfirmuar Shkodran Hoti nga Lëvizja Vetëvendosje.
Po ashtu për lirimin ka njoftuar në Facebook deputeteje e Vetëvendosjes Donika Kadaj – Bujupi.
Deputetja e Vetëvendosjes Aida Dërguti është arrestuar sot nga Policia e Kosovën në bazë të fletë arrestit nga Gjykata Themelore.
Dërguti, sipas Bujupit, është liruar pas dhënëse së deklaratës.
Arrestohet deputetja Aida Dërguti
Policia e Kosovës, ka njoftuar se bazuar në mandatin ligjor që ka është e obliguar në zbatimin e urdhërarresteve të ligjshme të lëshuara nga organet e drejtësisë dhe bazuar në këtë, sot në orët e hershme të mëngjesit ka realizuar zbatimin e një urdhërarresti në zonën e përgjegjësisë së stacionit policor Vushtrri.
“Njësitet relevante policore të stacionit policor Vushtrri, bazuar në urdhëresë, kanë ndaluar deputeten e RKS-së A. D., të cilën e kanë njoftuar mbi arsyen e ndalimit dhe bazuar në urdhëresë të njëjtën e kanë shoqëruar në Gjykatën Themelore në Prishtinë”, thuhet në njoftimin e Policisë përcjell Bota sot.
Sipas Policisë, Aida Dërguti ka bashkëpunuar dhe kooperuar mirë me zyrtarët policorë dhe e njëjta është shoqëruar në gjykatë, ashtu siç parashihet me urdhëresë.
Bashkangjitur mund të gjeni urdhëresën e lëshuar nga Gjykata Themelore në Prishtinë./BS/
