Retorika shterpe ose kërcënimi? Udhëheqësi i UÇK-së Ramush Haradinaj, i cili gjendet i liruar me kusht në Francë, praktikisht ka kërcënuar Serbinë se nëse gjykata në Francë vendos ta ekstradojë në Serbi, që me fletarrestin e Interpolit ëshët arrestuar në janar, do të merr përgjigjen që veç njëherë "e ka marrë më 1998 dhe 1999”, shkruan media serbe.
Profesori i Fakultetit të Shkencave Politike, Slobodan Samarxhiq, ish - ministri për Kosovë, beson se Haradinaj është nervoz, ngase nuk e di se a do të ekstradohet në Serbi, dhe me deklaratat e tij i trimëron të tjerët dhe vetën.
“Nuk duhet nënçmuar, ngase çdo gjë përputhet që Hashim Thaçit i ngutet ta bëjë 'Ushtrinë e Kosovës', e tash sheh momentin të bëj diçka, dhe nuk e dinë strategjinë e administratës amerikane lidhur me këtë.. Ata nuk kanë përkufizuar punën për pavarësinë e Kosovës, ngase Serbia nuk ka njohur Kosovën, e tash thjesht me retorikë e me kërcënimet serioze”, konisderon profesori Samarxhiq.
Media vë në pah se ithtarët e Haradinajt kanë hyrë në sallën e gjykimit në Francë me flamurin e “Shqipërisë së Madhe”.
Para disa ditësh në Prishtinë, në selinë e AAK-së, paraqitet kryeministri i Shqipërisë, Edi Rama, duke e quajtur Haradinajn "simbol i UÇK-së". Ithtarët e Haradinajt, jo vetëm në Kosovë, ata gjenden edhe në Maqedoni.
Më tej thuhet se më 2 mars, kur pritet të vendoset për rastin Haradinaj. 'mund të ndodhë incidenti’ si kërcënim. Ka spekulime se në Kosovë është i gatshëm "plani B", nëse Hardinaj "përfundon" në burgun e Beogradit.
Sipas këtij plani, të gjithë “pikat e krizës” do të jenë prej Kosovës nëpërmjet Maqedonisë dhe jug të Serbisë në përkrahje të Haradinajt do të jetë "nxehtë". Spekulohet se me të papriturat do të ballafaqohet edhe Franca.