Dikush në fshatin Operushë të Rahovecit ka vendosur afishe nëpër shtyllat elektrike të fshatit, në emër të brigadës numër 3 të Ushtrisë Çlirimtare të Kosovës.
Në këto afishe shkruhet se dy ushtarët e rënë dëshmorë të UÇK-së, Xhelajdin Kabashi dhe Daut Spahiu, nuk kanë qenë pjesëtarë të UÇK-së.
Sipas këtij njoftimi, Kabashi e Spahiu kanë mashtruar duke thënë se kanë qenë pjesëtarë të Ushtrisë Çlirimtare të Kosovës.
Këto afishe kanë prekur shumë fmailëjen Kabashi. Babai i Xheladin Kabashit ka thënë se këtë gjë dikush e bëri me qëllim.
“Këta njerëz janë deklaru me emra, por unë i kam deklaratat e tyre prej ditës së parë, që Xheladin Kabashi ka qenë pjesëtar i UÇK-së”, ka thënë babai i Xheladin Kabashit.
Ai ka paralajmëruar padi ndaj personave që e kanë shpërndarë këtë njoftim.
