Një ditë para se të merret vendimi për Ramush Haradinajn në Colmar të Francës, deputeti i PDK-së, Shukri Buja ka treguar se si i ka ikur një rasti të tillë të arrestimit dhe mundësisë së ekstradimit të tij në Serbi.
Buja duke folur në emisionin InfoBox, tha se ishte në rrezik të arrestohej vitin e kaluar në Maqedoni, derisa ishte i kërkuar nga Interpoli.
“I njëjti rast më ka ndodh mua vitin e kaluar në Maqedoni. Por, unë kam ikur duke e lënë pasaportën aty”, tha Buja.
Ndryshe, Buja thotë se vitin që shkoi ka qenë edhe në Francë për ta mbështetur kombëtaren e Shqipërisë në futboll, por që nuk është arrestuar.
